ကျွန်ုပ်တို့၏ ယုံကြည်ချက်များ
ပညာရေး၊ စီးပွားရေး နှင့် လူမှုရေး တို့သည် ကဏ္ဍတစ်ခုနှင့်တစ်ခု အစဉ်ဆက်နွယ်မှီတည်နေရသောအရာများဖြစ်သည်။ ပညာရေးဖြင့်သာ လူ့အသိဉာဏ်များကို ဖွံ့ဖြိုးစေပြီး၊ စီးပွားရေးဖြင့် လူနေမှုဘဝကို တိုးတက်အောင် မြှင့်တင်ကာ နိုင်ငံသားကောင်းပီသသောသူများဖြင့် ဖွဲ့စည်းထားသည့် လူမှုအဖွဲ့အစည်းတွင်သာ ရေရှည်တည်တံ့ခိုင်မြဲသော အနာဂတ်မျိုးဆက်သစ်များစွာ ပေါ်ထွန်းပြီး နိုင်ငံတကာနှင့် ရင်ဘောင်တန်းနိုင်မည်ဟု ယုံကြည်ထားပါသည်။

ကျွန်ုပ်တို့၏ ခံယူချက်များ
စတင်တည်ထောင်ခဲ့သည့် ၂၀၁၁ ခုနှစ်၊ နိုဝင်ဘာလ (၁၁) ရက်နေ့မှစ၍ ယနေ့အချိန်အထိ ဒေသအတွင်းရှိ လူငယ်လူရွယ်များ၊ စီးပွားရေးလုပ်ငန်းရှင်များနှင့် လုပ်ငန်းခွင်အတွင်း ဝင်ရောက်လုပ်ကိုင်နေသူများ၏ အခြေခံလိုအပ်ချက်များ၊ အထူးလိုအပ်ချက်များနှင့်ကွာဟချက်များအား ဖြည့်ဆည်းပေးနိုင်ရန် “ခမ်းကူ” သည် ပြုပြင်ပြောင်းလဲမှုများစွာဖြင့် အတွေ့အကြုံပေါင်းများစွာကို လက်ဆင့်ကမ်း သင်ယူမျှဝေရင်း ရှင်းလင်းတိကျသော ရည်မှန်းချက်၊ ရည်ရွယ်ချက်များ ချမှတ်ကာ လုပ်ဆောင်နေရသည့် အတွေ့အကြုံများသည် မိမိတို့အတွက် မည်သည့်အရာနှင့်မျှ လဲလှယ်လို့မရသည့် အရာများဟု ခံယူထားပါသည်။